Sei in Nomi Illustri - Giuseppe Briganti (poeta)
Giann’amaru
U chiamavunu, Giann’amar’u povareddhu
Era sciancatu, ma rriccu ri muruddha
A scola u facivunu nu scupeddhu
Com’u pisci stoccu, candu ammoddha.
Cui nci riciva, sceccu ncafunatu
Bbarda i sumaru e bbertula strazzata
Era comu o pani u sbinturatu
Comu na schiocca i fica, tutta mucata.
Finiu a scola, e pur’u liceu
E si ndi ijau pu nord virgugnatu
Pirchi`, nda so terra, nugddh’u cririu
Ch’era nciriveddhu super dotatu.
Ddha, truvau mpostu i gran signuri
Cu tanti sacrifici i ciriveddhu
Addivintau giurici istrutturi
E mani, quattru lauri ri cchiu` megghiu.
Nghiornu succiriu, ch’intr’a na corti
A undi presenziava Giuvanneddhu
Quattru strunzi i mmerda signorotti
Si vitturu rristati, pi rribbeddhu.
Cu ijerunu ddhi quattru vagabbundi
Ggenti chi mangia a sbaffu e si ndi futti
I chiddhi puliticanti i girutundi
Chi parranu mali, sempri supr’a tutti.
Ma succiriu pero` nu fattu stranu
Ddhi quattru strunzi, nchianati a ngalla
Erunu cumpagn’i scola i Giann’amaru
Chiddhi chi u rririvunu, arreru a spalla.
Giuvanni ch’era, giurici ri corti
I canusciu, ch’erunu ddhi scorii
Nci resi na cundanna, ra cchiu forti
Nu bonu esempiu, chi scrementi umani
Chisti sunnu storii, ri cuntinu
I cui u imbu soi no nsu varda
Si viri cantu e` tristi lu distinu
Cu sputa ncelu, nfacci, cogghi mmerda.
Giuseppe Briganti